Жалал-Абад шаарындагы тез татым жайлардын санитардык абалы текшерилүүдө. Бул тууралуу мэриядан кабарлашты.
Жалал-Абад шаарында 27-июнь күнү массалык уулануу катталган. Мындан улам бүгүн, 1-июлда Жалал-Абад шаарынын вице-мэри Гүлбарчын Таштанбекова, шаардык кеңештин депутаттары, Жалал-Абад район аралык оорулардын алдын алуу жана санитардык-эпидемиологиялык көзөмөлдөө борборунун адистери, тиешелүү мекеме-ишканалардын өкүлдөрү менен биргеликте тез татым жайларынын санитардык абалын текшерди. Анда шаардагы бир катар тез татым жайларында санитардык эрежелер толук сакталбаганы белгилүү болду. Алардын арасынан 4 жайга кызматкерлердин санитардык китепчелери жоктугу жана азык-түлүктөрдүн сактоо эрежелери талапка жооп бербегендиктен 3000 сомдон 7500 сомго чейин айып пул салынды.