Чаткалдагы шыбы ураган мектепке билим берүү министри Алмаз Бейшеналиев барды. Бул тууралуу министр социалдык тармактагы баракчасына жазып чыкты.
«Жалал-Абад облусунун Чаткал районуна караштуу Терек-Сай айылындагы №18 Чымканаев мектебиндеги мугалимдеримден, окуучуларымдан кабар алуу үчүн келдим. Билим уябыздын биринчи корпусундагы бир кабинеттин шыбы ураган. Кудайга шүгүр, окуучуларым менен мугалимим аман-эсен, эч кимиси оор жаракат алган эмес. Чаткал районундагы бардык мектеп жетекчилери менен жыйын өткөрүп, тармагыбыздагы жаңылануулар боюнча жеринен кабар бердим. Терек-Сайга сырттагы инвесторлордун жардамы менен жаңы мектеп салынат»,- деп жазды ал.
17-майда Чаткал районунда жайгашкан №18 Чымканаев атындагы орто мектебинин окуу бөлмөсүнүн шыбы урап түшкөн. Кырсык катталган жерден 18 окуучу менен 1 мугалим коопсуз жайга чыгарылган. Жабыркагандар Ала-Бука райондук ооруканасына жөнөтүлгөн.
Посмотреть эту публикацию в Instagram
