Жергиликтүү кеңештерге шайлоонун жүрүшүндө бузууларга ыкчам чара көрүүчү координациялык топтор түзүлүүдө. Бул тууралуу Борбордук шайлоо комиссиясынын басма сөз кызматынан билдиришти.
Маалыматка ылайык, ыкчам чара көрүүчү координациялык топтордун курамына шайлоо комиссияларынын мүчөлөрү жана тиешелүү деңгээлдеги укук коргоо органдарынын ИИМдин, УКМКнын, прокуратура органдарынын өкүлдөрү кирет. Топтордун иш-милдеттери төмөнкүлөр болуп саналат:
- шайлоо мыйзамдарын бузууга ыкчам чара көрүү;
- көрүлүүчү чаралар жөнүндө жарандарга маалымдоо.
