Чүй облусунун жол тескөөчүлөрү тарабынан Төө-Ашууда жолдун ачылышын күтүп жаткан жарандарга суусундук таратылууда. Бул тууралуу ЖКККБдан билдиришти.
Эске сала кетсек, Ош-Бишкек жолундагы Төө-Ашуудагы тоннелдин жолуна асфальт төшөө иштери башталган. Буга байланыштуу 26-июлдан 6-августка чейин 10 саатка унаа кыймылына чектөө киргизилген.
Сосновка өткөрүү пункту тарабынан:
Оор жүк ташуучу унаалар үчүн: түнкү саат 03:00дөн баштап 16:00гө чейин,
Жеңил унаалар үчүн: эртең мененки саат 06:00дөн баштап 16:00гө чейин жабылат.
Бишкекти көздөй — Бишкек-Ош унаа жолунун 144-чакырымынан (Суусамыр өрөөнү):
Оор жүк ташуучу унаалар үчүн: эртең менен 05:00дөн-16:00гө чейин,
Жеңил унаалар үчүн: эртең мененки саат 06:00-16:00гө чейин жабык болот.
Посмотреть эту публикацию в Instagram
