Кечээ, 22-октябрда Кемпир-Абадды коргоо боюнча комитети түзүлгөн. Бүгүн, 23-октябрда комитеттин айрым мүчөлөрүнүн үйүнө милиция кызматкерлери тинтүү жүргүзгөнү келишип, кээ бирлери милиция бөлүмдөрүнө жеткирилүүдө.
Комитет 15-октябрда Өзгөндө өткөн курултайда кабыл алынган резолюциянын негизинде түзүлгөн. Ага саясатчылар, жарандык активисттер жана суу сактагычтын тагдырына кайдыгер эмес жарандар кирген.
- мурдагы элчи Мамбетжунус Абылов;
- экс-депутат Асия Сасыкбаева;
- депутат Адахан Мадумаров;
- Конституциялык палатанын мурдагы судьясы Клара Сооронкулова;
- депутат Исхак Масалиев;
- БШКнын мурдагы мүчөсү Гүлнара Журабаева;
- УКМКнын мурдагы төрагасы Кеңешбек Дүйшөбаев;
- жарандык активист Гүлгакы Мамасалиева;
- мурдагы элчи Азимбек Бекназаров;
- экс-депутат Эркингүл Иманкожоева;
- экс-депутат Равшан Жээнбеков;
- экс-депутат Ыргал Кадыралиева;
- мурдагы губернатор Бектур Асанов;
- экс-депутат Кубанычбек Кадыров;
- укук коргоочу Рита Карасартова;
- жаш саясатчы Жеңиш Молдокматов;
- жарандык активист Перизат Суранова;
- экс-депутат Канат Исаев;
- Финполдун мурдагы төрагасы Сыймык Жапыкеев;
- экс-депутат Орозайым Нарматова.