SUPERTV’нын бул жолку каарманы – 5 балалуу келин. Андан кабар алуу үчүн биз мурда акиташ чыгарган ишкана катары пайдаланылганын сыз жайга бардык. Каарманыбыз дал ошол муздак жерде майда балдары менен күн кечирерин айтат.
«Өзүм Нарындан болом. Апам каза болуп калган. Атам бар, ал экинчи аялы менен жашайт. Шаарга кичине кезимде эле келип, 16 жашымда ала качышып, турмушка чыккам. Жумуштан келе жатканда алып качышты. 11-классты толук деле окуган эмесмин. Апам көзү тирүүсүндө «жашап кет» дечү. Биз үч кызбыз. Темир терип, жер казып иштечүмүн. Жолдошумдан запкы жедим. Таяк жеп, ажырашкам. Ичип келип сабачу. Мылтыктын кундагы менен чаап ийип, ооруканага жатып чыккам. Ошол кезде экинчи кызым жаңы эле төрөлгөн. Атам муну менен жашай албайсың ажыраш деди. Азыр 5 балам бар. Эң улуу кызым 9-класста окуйт. Мен бул үйдө жашаганыма 8 жыл болду. Мурда бул жерде акиташ чыгаруучу завод болчу экен. Жашап тургула дешкен» ,— дейт жалгыз бой эне.
