«Мен өлкөдөн үй-бүлөмдүн жана өзүмдүн коопсуздугум үчүн кетүүнү чечтим. Мен ишенбейм, сөз башка, иш башка болду». Бул тууралуу үй-бүлөсү менен өлкөдөн чыгып кеткен манасчы Дөөлөт Сыдыков социалдык тармактагы баракчасына жазды.
«Мамлекеттик каналдардын баарынан жамандаттырып, жок жалааны жаппаңыз, Садыр аба (ред. президент Садыр Жапаров). Эртең каралоолор үчүн сиз баштап жооп берчү күн келет. Кепти башкага бурумуш болуп, жерди унуттурам дебегиле. Манастын жери Манаска эле калсын дегеним үчүн болуп жатат ушунун баары. Эрбол Султанбаев (ред. президенттин маалымат катчысы) сен билесиң баарын, уккансың! Мен жан тартып канча нерсе айттым, уктуңарбы? Жок, анан кайра айттыңар го, башка жерге эле сала бергиле да деп. Президент чакырса келбей койду дейт. Мен бир жылдан ашык убакытта конкурстун негизинде даярдаган долбоорду жокко чыгарып, бир түндө ар кайсы жерден алып, чийип койгон долбоорду колдоп, калган жерди ала бергиле дегени бармак белем. «Семетей» киносунун жабык көрсөткөндө барган 31 киши (Манас аткаруучулар, жазуучулар, окумуштуулар, режиссёрлор) жок дебестир президенттин айтканын: Дөөлөт Сыдыков барбы, Манастын айылын ыйык дебесин, шаманизмин токтотсун. Манастын айылын, Байтик тарапка көчүрөбүз деген сөзүн дагы танабы.?
Манасын ким бир пенде да. Анын эмне ыйыктыгы бар. Ширк болот антип жөнөкөй пендеге Кудайдын сыпаттарын берсе. Манас бул жөн элдик оозеки чыгарма. Тарыхый каарман эмес.