«Апрель» телеканалынын журналисти Канат Каниметовго саясат таануучу Марат Казакпаевдин өлүмү боюнча пост жарыялаганы үчүн расмий эскертүү берилди. Бул тууралуу ал соцтармактагы баракчасына жазды.
«Анда мен саясий туткундун өлүмү боюнча расмий версиядан күмөн санап, аны өлүмгө жеткириши мүмкүн экенин божомол кылгам. Мындай ой жалгыз эле менде эмес. Мен адамдын баш коргоо чарасын атайылап өзгөртпөгөнүн, жубайы айткандай, ага каршы «башка» таасир этүүчү ыкмаларды колдонууну айтып жатам», — деди ал.
Ал эскертүүнүн берилишин сөз эркиндигине басым жасоо аракети деп эсептейт. «Документте так жазылган: эгер мен дагы сүйлөсөм, алар «кылмыш жөнүндө билип туруп жалган билдирүү» беренеси боюнча кылмыш ишин козгошот», — деди журналист.
