Тышкы иштер министрлиги Мехико шаарында Кыргыз жараны каза болгондугун маалымдады.
Алдын ала маалыматтарга ылайык, ал жүрөк жетишсиздигинен улам каза болгон. Учурда маркумдун сөөгүн Кыргызстанга өз убагында жеткирүү жана анын жакындарына керектүү жардам көрсөтүү боюнча тиешелүү иш-чаралар жүргүзүлүүдө.
Кыргыз Республикасынын Америка Кошмо Штаттарындагы элчилиги маркумдун жакын туугандары менен үзгүлтүксүз байланышта болуп, бул маселени өзгөчө көзөмөлдө кармоодо.













