Ош облустук ички иштер башкармалыгынын өздүк курамы оор жоготууга учурады. Кечээ, 13-октябрь күнү милициянын капитаны Курманбек Токобаев мезгилсиз дүйнөдөн кайтты.
Ал ички иштер органдарынын катарына 2000-жылдан баштап кызмат өтөп баштаган. 1999-2000-жылдары Баткен коогалаңында бандиттик топтордун алдын тосуп чыгууда ички аскерлердин жоокери катары алдыңкы катарда болгон. Катардагы милициядан баштап, тескөөчү, милициянын аймактык тескөөчүсү кызматтарын аркалап келген. Кызматында жетишкендиктери үчүн Ички иштер министрлигинин медалдары менен сыйланган. 1971-жылы туулган Курманбек Токобаев 11 баланын атасы.
