Нарын облусунда 12-майда болгон жер титирөөнүн кесепеттерин аныктоо боюнча тартылган Жарандык коргонуу комиссиясынын 13-майга карата корутундусу чыкты. Бул тууралуу ӨКМден билдиришти.
Алардын маалыматына ылайык, Ак-Талаа району боюнча жалпы 99 үй, 3 мектеп, 1 маданият үйү, 1 дүкөндүн дубалдарында жарака кеткени аныкталган. Иликтөө иштери бүгүн, 14-май күнү да улантылат.
Нарын облусунун аймагында 12-майда күчү 4 баллга жана экинчи ирет 5,5 баллга жеткен жер титирөө катталган. Буга байланыштуу жер-жерлерде жабыркагандар жана кыйроолорду тактоо максатында райондук Жарандык коргонуу комиссиясы тартылган.
