Ноокатта селдин кесепетинен каза болгондордун саны 7 кишиге жетти. Издөө иш-чараларынын натыйжасында дайынсыз болуп жаткан дагы 1 жарандын жансыз денеси табылды. Бул тууралуу Ош облустук милициясынан маалымдашты.
Жүргүзүлгөн издөө иш-чараларынын натыйжасында жалпы 7 атуулдун жансыз денеси ӨКМ тарабынан табылып, алар 2005-жылы туулган К.Б., 2008-жылы туулган М.Б., 2012-жылы туулган Ж.А., 2013-жылы туулган М.кызы И., 2016-жылы туулган М.уулу И. 2013-жылы туулган К.Б. жана 1976-жылы туулган Ж.А. экендиги аныкталды.
29-июнь күнү Ош облусунун ички иштер башкармалыгынын өздүк курамы түнкү саат 03:00 чамасында “Айгай” белгиси боюнча түп көтөрүлүп, Ноокат районунун сел аккан аймагына жөнөп кетишкен. Таңкы саат 06:00 чамасында окуя болгон жерге жетип барышып, сууга агып кеткендери издөө иштерин баштаган. Ошондой эле, жайлоодо жана эс алуучу жайларда аккан суунун агымы чоң болуп өтө албай калып кеткен жарандарды алып өтүү максатында жасалма көпүрөлөрдү орното башташкан. Милиция кызматкерлери жасалган көпүрөлөр аркылуу жана кээ бир жерлерде аркан тартышып, суу кечишип, жарандарды коопсуз жайга алып өтүшкөн. Учурда издөө иштери жана селдин кесепетинен зыян тарткан жерлерди калыбына келтирүү иштери уланууда.
Президент Садыр Жапаров бүгүн, 2-июлда Ысык-Көл облусунун Чолпон-Ата шаарында Бириккен Улуттар Уюмунун (БУУ) Башкы катчысы Антониу Гутерриш менен сүйлөшүүлөрдү өткөрдү....
Бүгүн, 2-июлда УКМК төрагасы Камчыбек Ташиев Орусия Федералдык коопсуздук кызматынын аскердик окуу жайынын жана УКМК Академиясынын кесиптик кайра даярдоо курсунун...
2-июлдан 7-июлга чейин туруксуз аба-ырайына жана күтүлүп жаткан нөшөрлүү жаан-чачынга байланыштуу, республиканын тоолуу жана тоо этектериндеги райондорунда сел жүрүшү мүмкүн,...
2002-жылы туулган Салымбаев Ырыскелди Медербекович 18-май күнү Кара-Көл шаарындагы үйүнөн чыгып кеткен бойдон дайынсыз болууда. Бул тууралуу Жалал-Абад ОИИБден билдиришти....