21-ноябрь күнү саат 11:00дө Сузак районуна караштуу Сасык-Булак айылында элдик жыйын болот. Бул тууралуу СЕРЕП МЕДИА маалымат агенттигине маркумдун жакындары менен байланышканда маалым болду.
Маалыматка караганда, жыйындын негизги максаты 19 жаштагы кызды мыкаачылык менен өлтүрүүгө шектелген кишини өлүм жазасына тарттыруу жана үй-бүлөсүнүн айылдан көчүп кетүүсүн талап кылуу.
- Милицияга Масы айылындагы Алаш сайында кыз кишинин жансыз денеси жаткандыгы кабарланган. Алдын ала текшерүү иштери учурунда кыз киши колдуу болгондугу, маркум Базар-Коргон районунун 19 жаштагы тургуну экени аныкталып, Жазык кодексинин 122-беренесинин негизинде (адам өлтүрүү) кылмыш иши козголгон. Кылмышка шектелип, буга чейин зордуктоо жана башка беренелер менен бир нече жолу соттолгон, акыркы жолу 2021-жылы баңгизатка байланыштуу кылмыш жоопкерчилигине тартылган Сузак районунун тургуну, 1964-жылы туулган жаран кармалган.
