Ош-Төлөйкөн жолуна асфальт төшөлдү. Тротуары качан?
Ош-Төлөйкөн унаа жолунда асфальт төшөө иштери аягына чыгып, пайдаланууга берилди. Бул тууралуу транспорт министри Тилек Текебаев соцтармактагы баракчасына жарыялады.
"Ош-Төлөйкөн унаа жолунда асфальт төшөө иштери ушул жылдын июнь айында башталган. Аталган унаа жолдун жалпы 5 чакырымына асфальт төшөө пландаштырылган, бүгүнкү күндө ал аяктады", - деп жазылат билдирүүдө.
Министр жарыялаган посттун комментарий бөлүгүндө айрым колдонуучулары тротуары качан куруларын сурап кайрылышты.
