Мурдагы мамлекеттик ишмер Үсөн Сыдыков 78 жаштында каза болду. Алдын ала маалыматка караганда, ал узакка созулган оорудан улам көз жумган.
Маркумду акыркы сапарга узатуу зыйнаты 29-июлда саат 10:00дө Опера жана Балет театрынын алдындагы аянтта болот.
Үсөн Сыдыков Ош облусунун Хиля айылында туулган.
1995-2000- жылдары — Жогорку Кеңештин Эл өкүлдөр жыйынынын депутаты.
2005-2006-жылдары — Президенттин Администрациясынын башчысы (Курманбек Бакиев).
2006-2008-жылдары — Президенттин Мамлекеттик кеңешчиси болуп иштеген.
Ал «Жаңы Кыргызстан» партиясынын лидери болгон. 2010-жылы 14-майда Ноокатта камакка алынган. Кыргызстандын түштүгүндө контрреволюциялык акцияларды уюштурган деп айыпталган. 2010-жылы 2-июлда сот аны үй камагына чыгарган.
