Россельхознадзор Орусия Федерациясына импорттолуп жаткан продукцияларды көзөмөлдөөдө Кыргызстандан 14,2 тонна (356 кап) көлөмүндөгү жүгөрү үрөндөрүндө ГМО табылган. Бул тууралуу аталган уюмдун сайтында маалымдалды.
Мындан тышкары, үрөндүк материалдын сорттук жана себүү сапаттарын тастыктаган документтер болгон эмес. Баштыктардагы маркировкада (этикеткада) толук эмес маалымат камтылган.
Бул факт боюнча Россельхознадзор Айыл чарба министрлигине маалымат бергенин, бир аптанын ичинде маселе талкууланарын билдирди.
