Кечээ, 23-июнда Бишкек шаардык соту «Кумтөр» иши боюнча коррупцияга шектелип, камакка алынган депутат Асылбек Жээнбековдун адвокатынын анын баш коргоо карасын өзгөртүү боюнча доо арызын карап, Биринчи Май райондук сотунун чечимин күчүндө калтырган. Тактап айтканда, депутат 31-июлга чейин камакта калтырылды. Соттук отурумга депутат алып келинген. Бирок аны соттон УКМКнын СИЗОсуна алып кетүү учурунда тартылган видео коомчулукта кызуу талкуу жаратты.
Видеодон анын тепкичтен ээн-эркин түшүп, BMW үлгүсүндөгү унаага жакындаганда жанында турган кишинин эшикти ачып бергенин көрүүгө болот. Ошондой эле анын колунда кишени да болгон эмес. Ал отурган унаа жеңил унаа менен кичи автобустун коштоосунда короодон чыгып кеткен.
Социалдык тармактын колдонуучулары бул видео тууралуу ар кандай пикирлерин жазышууда. Алардын арасында «СИЗОго кеттиби же үйүнөбү?», «Башкаларды автобуска тыгып алып кетмек», «Балким ал соттук отурумга үйүнөн келип жатат», «Парламенттин жыйынына кеткендей го…» деп жазгандары болууда.
Ублюдошный ублюдок Асылбек, будто в парламент собрался. В костюме, на BMW, без наручников и вальяжная походка pic.twitter.com/o9wgHL33Hz
— Roshen (@Roshen996) June 23, 2021
Жээнбеков УКМК тарабынан 31-майда кармалып, анын «Кумтөр» боюнча коррупцияга шектелип жатканы маалымдалган. Ошол эле күнү Биринчи Май райондук соту анын баш коргоо чарасын карап, 2 айга камакка алган.
