Стамбулда каза болгондордун жана жабыркагандардын арасында Кыргызстандын жарандары жок. Бул тууралуу Кыргызстандын Стамбулдагы башкы консулдугуна шилтеме берүү менен Тышкы иштер министрлиги билдирди.
Кечээ, 13-ноябрда Стамбулдун Истиклял көчөсүндө жардыруу болгон. Түрк бийлигинин маалыматы боюнча, 6 адам каза болуп, 50дөн ашууну жарадар болгон. Кыргызстандын Стамбулдагы Башкы консулдугу Түркиянын бийликтери менен байланышта. Түркиянын укук коргоо органдары каза болгондордун жана жабыркагандардын саны өсүп жатканын билдирүүдө, тергөө уланууда.
