18-декабрда Бишкекте тиш дарылаткан 3 жашар кыз чарчап калган. СЕРЕП МЕДИА маалымат агенттигине атасы кайрылып, соттук-медициналык экспертизанын жыйынтыгы чыкпай жатканына нааразычылыгын билдирди.
Анын айтымында, жыйынтык бүгүн, 29-декабрда чыкмак. Бирок тергөөчү менен байланышканында 8-январда чыгарын айткан. Муну чарчап калган кыздын атасы атайын создуктурулуп жатат деп эсептейт.
- Бишкекте КММАнын медициналык борборунда 3 жашар кыз тиш дарылатып жатып каза болду. Октябрь РИИБден билдиришкендей, 18-декабрда кыздын чоң энеси арыз менен кайрылган. Ал небереси дарыгерлер кесиптик милдеттерин талаптагыдай аткарбагандыктан каза болгонун билдирген.
- Бул факты боюнча Кылмыш-жаза кодексинин 146-беренесинин (медициналык же фармацевтика кызматкеринин кесиптик милдеттерин талаптагыдай эмес аткаруусу) негизинде кылмыш иши козголду. Экспертизанын жыйынтыгы менен юридикалык баа берилет.
