Таалайбек Дорбунов менен Жазгүл Капашова Чүйдөгү айылдардын биринде балдары менен жашашат. Каармандарыбыз бир уулу психикалык оору менен жабыркаарын айтышты.
“Балабызды дарыгерлерге да, дин ишмерлерине да көрсөттүк. Натыйжа болбой жатат. Өзүнө ээ боло албай калган абалда бизге бычак, балта шилтеп коркутат. 1 ай мурда үйүбүзгө өрт коюп, учурда боз үйдө жашап жатабыз” дешти алар. Буга байланыштуу үй-бүлө элдин колдоосуна муктаж.
Жардам берүүнү каалагандар үчүн реквизиттер: Мбанк: 0500 40 22 88 СБЕРБАНК: +7 980 3951721, 5228 6005 9319 8155 (Улукбек).
«Отурсак эле уулум «сен мен айткандарды кылбайсың» деп калды. «40 миң сом бербейсиң» деп баштады. «Менде акча жок, силерди багып жатпайынбы» десем эле сөктү. Ага чейин уулум мындай эмес болчу. Түнкү саат 1лерде басып жүрдү. Түнкүсүн уктабай калган. Дубалды бир чапты, анан эле мени муунтуп баштады. Жолдошум аркы бөлмөдө болчу. Кыйкырып чакырсам эле келип, учура чапты. Уулум тура калып, тепти. Жинденип терезеден секирип чыгып, айнектерди таш менен сындырып баштады. Туугандар шаарда жашайт, аларга чалдым.
Үйдү эмнеге өрттөдү билбейм. Менин кийимдеримди чогултуп коюптур. Эмне кылып өрттөгөнүн билбейбиз. Ошондон кийин милиция чоо-жайын сурап, «балаңды кармап кетебиз» деди. Ошондо ооруканага алып барып, дарылатам дедим. Үйдөн эч нерсе калган жок. Өзүнө келгенде «силер кайсы жерде жашап жатасыңар» деди»,- деди апасы.
