Жогорку Кеңештин төрагасынын орун басары Нурланбек Азыгалиев журналисттер жана агартуучулар менен жолугушту. Бул тууралуу Жогорку Кеңештен билдиришти.
Жолугушууда журналисттердин коомдогу ролу чоң экенин белгилеген Нурланбек Азыгалиев: “Азыркы ыкчам дүйнөдө жашоо-турмушубузду маалыматсыз элестетүү кыйын. Андыктан, сиздерге жарандарды бейтарап жана калыс маалымат менен камсыздоо жоопкерчилиги жүктөлгөн. Муну менен катар журналисттер эл менен бийликтин ортосундагы байланышты түзүп, коомдук пикирди жаратат”, – деди. Ал Жогорку Кеңеш бийликтин мыйзам чыгаруу бутагы катары журналисттер менен тыгыз кызматташып, дайыма жакындан иш алып барууга кызыкдар экендигин белгиледи.
Иш-чаранын алкагында жалпыга маалымдоо каражаттарынын айрым өкүлдөрүнө, агартуу тармагында эмгектенген алдыңкы кызматкерлерге жана мамлекеттик тилди өнүктүрүүгө салым кошуп келе жаткан адистерге Жогорку Кеңештин сыйлыктарын тапшырды.
SuperTV телеканалынын, СЕРЕП МЕДИА маалымат агенттигинин директору Бактыгүл Сокушова Жогорку Кеңештин юбилейлик медалы менен сыйланды.
