Транспорт министрлиги 1-апрелден тартып «Ысык-Көл айланма жолунун Корумду-Балбай-Баатыр участогунун 104-чакырымынан 184,5-чакырымына чейин реконструкциялоо» долбоору боюнча курулуш иштерин баштайт.
Учурда башкы подрядчы «Чайна Роуд энд Бридж Корпорейшн» компаниясы техникаларды, жабдууларды жана кызматкерлерди мобилизациялоо, бактарды кыюу иштерин жүргүзүүдө. Ошол эле учурда Жаркынбаев айылына жакын, 134,4 чакырымында жайгашкан подряддык базанын жана консультанттык кеңсенин курулушу аяктоодо.
Каттамдын болжолдонгон багыты учурдагы жол менен өтөт жана III — техникалык категориядан (эки тилкелүү) II — техникалык категорияга (төрт тилкелүү) кеңейтилет, ошондо жол тилкесинин туурасы 21,6 метрди түзөт. Автомобиль жолу Ысык-Көл районунун Корумду айылынан башталып, аягы Түп районунун Балбай баатыр айылын камтыйт. Маршрут 17 калктуу конуштар аркылуу өтөт.
«Жогорудагы долбоорго ылайык кээ бир участоктордо көп сандагы дарактарды кыюуга туура келүүдө. Бул жагдайды жолдун техникалык параметрлеринин жогорулашы, трассанын огун түздөө аркылуу геометриясынын жакшырышы, II — техникалык категория үчүн каршы келе жаткан кыймылдын көрүнүшү, ошондой эле ылдамдыкты чектөө сыяктуу талаптарга шайкеш келтирүү болуп саналат. Автомобиль жолдорун жашылдандыруу 2 негизги түргө бөлүнөт: Коргоочу жана Декоративдик жашылдандыруу. Коргоочу жашылдандыруу бул — эрозияга каршы, кар, кум, ызы-чуу-газ-чаң эмес жашылдандыруу. Усулдук сунуштарга ылайык, жаңыдан курулган жалпы пайдалануудагы автомобиль жолдорунда коргоочу көрктөндүрүүнүн бардык түрлөрүн жайгаштыруу жол тилкесинин чегинен туурасы 50 метрден кем эмес жолдун чектеринде жүргүзүлүшү керек. Жолго жакын отургузулган бак-дарактарды унаа коопсуздугу жагынан кооптуу деп эсептесе болот. Ошондуктан бак-дарактарды кыюуну кырдаалдан келип чыккан аргасыз чечим катары кароого болот.
Долбоордо жолду жашылдандыруу каралган, кыйылган бактардын ордуна 1:3 пропорциясында жаңы бак-дарактар отургузулат. Жолдун оң жагына жакшы көрүнүү үчүн, ошондой эле муз болгон мезгилде жолду жакшы жарыктандыруу үчүн жапыз өскөн бак-дарактардын түрлөрү отургузулат», — дешти.
