Лейлек райондук соту апрель айындагы чек ара жаңжалына катышкан жарандарды ар кандай мөөнөткө эркинен ажыратты. Бул тууралуу СЕРЕП МЕДИА маалымат агенттигине Баткен облустук сотунан билдиришти.
Маалыматка караганда, соттун 14-сентябрындагы өкүмү менен эки Тажик жараны күнөөлүү деп табылып, өмүр бою эркиндигинен ажыратылган.
21-сентябрдагы өкүм менен Кыргыз жараны И.А.И. Жазык кодексинин 307-беренеси боюнча айыпталуучунун жосунунда кылмыштын курамы жок болгондуктан акталган. Бирок Жазык кодексинин 391-беренеси, 267-беренеси, 358-беренеси, 78-беренеси менен күнөөлүү деп табылып, жазалар бири-бирине толук бириктирүү жолу менен 15 жылга эркиндигинен ажыратылды. Кыргыз жарандары Б.А.И. жана У.А.К. Жазык кодексинин 307-беренеси боюнча айыпталуучулардын жосунунда кылмыштын курамы жок болгондуктан акталган. Бирок Жазык кодексинин 391-беренеси, 358-беренеси менен жогорудагы экөө күнөөлүү деп табылып, белгиленген жазалар бири-бирине толук бириктирүү жолу менен 8 жыл 6 айга эркиндиктеринен ажыратылды.