Адвокат Шердов Абдыкапаров Чүйдө эркек киши тарабынан кыз сабалганын айтып чыкты. Маалыматка караганда, окуя 18-сентябрда болгон. Кыз туулган күнүн өткөрүү үчүн Ысык-Атага барган.
«Биз ал жерде үй ижарага алганбыз. Топтолгон жарандар жүргөн. Алардан от жагуу үчүн газ баллон сурадык. Бирок алардын арасынан бир кыз орой мамиле кылды. Ошентип уруш чыгып кетти. Биздин жаныбыздагы бир кызга кол көтөрүштү. Мен жардам берейин дегенде эркек киши бир нече жолу мени муштап жиберди. Эсимди жоготуп жатып калдым»,- деген ал.
«Кыздын мурду, эки тиши сынган. Көзүнүн тушундагы сөөгү сыныптыр. 10 күн ооруканада дарыланды»,- деди жактоочусу.
Бул окуя боюнча Чүй ОИИБ маалымат берип, 18-августта 1999-жылы туулган кыз Ысык-Ата РИИБге кайрылганын билдиришти. Ал ошол эле күнү Ысык-Атадагы эс алуучу жайда ага кол көтөргөн жаранга чара көрүүнү суранган. Аталган факты боюнча ден соолукка анча оор эмес зыян келтирүү беренеси менен кылмыш иши козголуп, 2004-жылы туулган жаран кармалган. Тергөө уланууда.
Посмотреть эту публикацию в Instagram
