Кара-Суу районунун Кашкар-Кыштак айылында жайгашкан “Россия нефть” менчик базасында кечээ, 3-июль күнү саат 18:20да өрт чыккандыгы тууралуу маалымат түшкөн. Бул тууралуу Өзгөчө кырдаалдар министрлигинен маалымдашты.
Кара-Суу райондук №102 жана №25 өрткө каршы бөлүктөрдөн 2 күжүрмөн эсеп тилсиз жоо менен күрөшүүгө чыккан. Мындан сырткары №13 өрткө каршы бөлүгүнөн автошаты тартылган. Өрт өчүрүүчүлөрдүн тынымсыз аракетинен соң аталган кырсык чектөөгө алынып, саат 19:01де толугу менен өчүрүлгөн.
Өрт кырсыгынын кесепетинен бензин сордуруучу насос, оор жүк ташуучу DAF үлгүсүндөгү авто цистернасы күйгөн. Мындан сырткары 2 адам жаракат алып, медицина кызматкерлерине берилген. Учурда өрттүн келип чыгуу себеби такталууда.
