Шайлоонун жыйынтыгы бурмаланып жатат. Бул тууралуу «Улуттар биримдиги» партиясынын лидери Мелис Мырзакматов соцтармактагы баракчасына жазып чыкты.
«Жогорку Кеңештин депутаттарын шайлоодо добуштардын жыйынтыгы бурмаланды. Саат 20:46га карата «Улуттар Биримдиги» элдик партиясына 47 миң 74 добуш берилген. Ал арада БШКнын сервери иштебей калган. Саат 21:20да «Улуттар Биримдиги» элдик партиясына берилген добуштардын саны 29 миң 387ге түшүп калды. Биз мындай жыйынтыкка каршыбыз жана нааразычылык билдиребиз», — деп жазды ал.