Кечээ, 10-июнда CAFA турниринин алкагында Кыргызстан менен Ооганстандын беттеши өттү. Оюн Бишкектеги Дөлөн Өмүрзаков атындагы стадиондо орун алып, Эрнист Батырканов акыркы мүнөттө гол киргизүү аркылуу Кыргызстандын футбол боюнча курама командасы Ооганстандын курама командасын 1:0 эсеби менен утуп алды.
CAFA Nations Cup 2023 эл аралык чемпионаты биринчи жолу улуттук команданын деңгээлинде 11-июндан 20-июнга чейин өткөрүлөт. Кыргызстандын курамасы тайпалык баскычта Ооганстандын жана Ирандын курамалары менен ойнойт. Ушул эле убакта Ташкентте Өзбекстан, Оман, Тажикстан жана Түркмөнстан курама командаларынын оюндары өтөт. Топтун жеңүүчүлөрү 20-июнда Ташкенттеги финалда жолугушат.
