Төртүнчү Дүйнөлүк Көчмөндөр оюндарына көк бөрү жана алыш оюндары расмий мелдеш катары кирди. Бул тууралуу Маданият министрлигинен маалымдашты.
Көк бөрү спортчулары машыгуу жыйындарын толук өтүшүп, бүгүнкү күндө даяр. Оюнчулар 28-сентябрда учушат. Мындан сырткары Көкпар, ашыртмалы аба күрөшү, капышмалы аба күрөшү, пахлавани, шалвар күрөшү, май күрөшү, бел боо күрөшү, кураш, мас-рестлинг жана салттуу жаа атуу спорту боюнча мелдештер өтүп, аталган оюндарга кыргыз спортчулары да катышат. Ал эми тогуз коргоол жана кыргыз күрөшү көрсөтмө оюндары катары өтөт.
Оюндар 29-сентябрда башталып, 2-октябрга чейин уланат. Кыргызстандын атынан жалпы 148 спортчулар катышат.
Буга чейин улакчылар Түркияда өтө турган Көчмөндөр оюндарына баруунун зарылдыгына шектенип жатышкан.