«Кыргызстанда көпкө жүргүм келет. Балким бир нече жума же андан да көп убакыт жүрөм». Бул тууралуу UFC чемпиону Валентина Шевченко маалымат жыйында билдирди.
«Менин оюмча Бишкек 2019-жылга салыштырмалуу кеңейиптир. Жаңы имараттар курулуптур. Канча жаңы имарат курулса да, борбордун мурдагы эски шаардай калганына абдан кубанам. Менин оюмча шаар мурда кандай болсо, ошол бойдон калышы керек», — деди ал.
Шевченко акыркы жолу Кыргызстанга 2019-жылы жазында келген. Белгилей кетсек, маалымат жыйынга Шевченконун машыктыруучусу Павел Федотов, Дүйнөлүк Эр Таймаш Федерациясынын президенти Руслан Кыдырмышев, Кыргыз Республикасынын Кулатуу федерациясынын президенти Эмил Токтогонов катышты.