Кембридж университетинин жана Лондон империал колледжинин эксперттери COVID-19 мээни 20 жылга картайтып салгандай таасир берерин айтышты. Изилдөөнүн жыйынтыгы eClinicalMedicine журналында баяндалган.
Эксперттердин айтымында, 2020-жылдын 10-мартынан 31-июлуна чейин Адденбруктун ооруканасында коронавирустан дарыланган 46 адам когнитивдик параметрлерин (эс тутум, көңүл буруу, тынчсыздануу, реакциянын ылдамдыгы, депрессия жана травмадан кийинки бузулуулардын өнүгүү ыктымалдыгы) аныктаган тесттен өтүшкөн. Натыйжаларды орточо көрсөткүчтөр менен салыштырганда, реакциянын ылдамдыгы жана тактыгы коронавирус менен ооруган адамдарда начар экени белгилүү болду. Мындан тышкары, алардын IQ көрсөткүчү төмөндөп, когнитивдик функциянын жалпы төмөндөшү мээнин 50 жаштан 70 жашка чейинки карылыгына барабар болгон.