74 жаштагы кытайлык ыктыярчы үй-бүлөсү жол кырсыгынан каза болгондон кийин, 36 жылдан бери жол кыймылын жөнгө салып келет. Ал 300дөн ашык ууруларды жана кылмышкерлерди кармаган.
Куньминдик Айцин Чжандын жол кырсыгынан аялы, төрт баласы жана эжеси каза болгон. Көңүлү ушул иштен жай тапкан Айцин күн сайын эртең мененки саат 6дан баштап Яньань шаардык ооруканасына алып барчу жолдогу таңкы хаосту иретке салуу үчүн ишке киришет. Анын окуясы соцтармактарда миллиондогон адамдын жүрөгүн козгоду.
Айциндин угуусу начар. Ага карабастан, айдоочуларга жана жөө жүргүнчүлөргө кыйкырып жол кыймылын көзөмөлдөп турат. Жөнгө салуунун ортосунда ал кайыр сурап, убактысы болсо бөтөлкөлөрдү чогултуп, студенттерге жардам берүү үчүн акча топтойт. Ал ошондой эле адам сатууга каршы күрөшкөнү менен белгилүү. Айцин дубалдардын бирине «адамдарга кызмат кылуу эч качан кеч эмес» деп жазып койгон.