Нью-Йорк штатынын губернатору Кэти Хокул Лонг-Айлендде өзгөчө кырдаал режими жарыялады. Буга токойлуу аймактарда чыккан өрт себеп болгон.
Катуу шамалдын натыйжасында жайылып жаткан өрттөрдөн улам Лонг-Айлендди Нью-Йорктун башка аймактары менен байланыштырган NY 27 жолу жабылды. Аймактын көп бөлүгүн түтүн каптаган.
Синоптиктер бул аймакта шамал уланып, ал тургай, күчөй турганын айтып жатышат. Губернатор CNN телеканалына билдиргендей, бул бир нече күнгө созулушу мүмкүн жана өрт учурда күйүп жаткан аймактардын чегинен тышкары жайылып, турак жайларга жайылышы мүмкүн.
