10-декабрда Бишкектеги Опера жана балет театрынын Малахит залында Freedom Holding Corp. эл аралык холдингине кирген Freedom Pay, Freedom Ticketon жана Freedom Broker компанияларынын салтанаттуу жана ири иш-чарасы болуп өттү.
Компаниялар 2025-жылдагы негизги жетишкендиктерин сунуштап, холдингдин бирдиктүү стратегиясынын алкагында мындан аркы өнүгүү багыттарын талкуулашты. Жыйында коноктор компаниялардын жаңы продуктылары жана демилгелери менен таанышып, ошондой эле келерки жылга карата пландар тууралуу маалымат алышты.
Freedom Pay, Freedom Ticketon жана Freedom Broker — Кыргызстандагы Freedom Holding Corp. компанияларынын өкүлдөрү болуп саналат жана аларды инновация менен өнүгүүнүн бирдиктүү философиясы бириктирет. Алар биргелешип колдонуучулар үчүн ыңгайлуулукту, ишенимдүүлүктү жана мүмкүнчүлүктөрдү кеңейтүүнү камсыздаган заманбап санариптик экосистеманы түзүшөт.
Freedom Broker компаниясынын башкы директору Назаралиев Медет Тагайбекович холдингдеги компаниялардын бирдиктүү кыймылынын ролун баса белгиледи:
«Бүгүнкү иш-чара Freedom Holding Corp. ичинде санариптик экосистема кардарлар үчүн ишенимди, инновацияларды жана ыңгайлуулукту камтыган бирдиктүү мейкиндик түзүп жатканын дагы бир жолу тастыктайт. Freedom Broker’дин артыкчылыктарына дүйнөлүк жана жергиликтүү фондулук рынокторго чыгуу, бирдиктүү мультивалюталык соода аянтчасы кирет. Аналитика жана инвестициялык идеяларга жол ачуу калктын инвестиция маданиятын өнүктүрүүгө жана каржылык инфратүзүмдү бекемдөөгө жаңы мүмкүнчүлүктөрдү ачат. Биз продукттарды мындан ары да өнүктүрүп, сервистин стандарттарын жогорулатып, ар бир кардар үчүн жаңы мүмкүнчүлүктөрдү ача беребиз».
Freedom Ticketon компаниясынын башкы директору Наргиза Умотова өнүгүп жаткан санариптик сервистердин маанилүүлүгүн баса белгиледи:
«Өлкөдө билет сатуу боюнча негизги санариптик сервис катары биз сатып алуу процессин мүмкүн болушунча коопсуз, ачык жана ыңгайлуу кылууну милдет катары коёбуз. Биздин миссия – маданият жана көңүл ачуу тармагын санариптештирүү. Ошондуктан биз уюштуруучулардын ишин оптималдаштырган жана көрүүчүлөргө ыңгайлуу сервисти камсыздаган технологиялык чечимдерди жаратабыз».
Freedom Ticketon’дун технологиялык базасы, анын ичинде XTICKET билеттик системасы, билеттерди автоматташтырылган түрдө жөнөтүү, иш-чараларга кирүүнү көзөмөлдөө жана башкаруу системасы колдонуучулардын ишенимин арттырат. Ар бир транзакциянын ишенимдүүлүгүн жогорулатып, уюштуруучуларга сатуу боюнча тыкыр аналитика жана жасалма билеттерден коргоо мүмкүнчүлүгүн берүү менен биз рынок багыт алган стандарттарды бекемдейбиз. Мындай ыкма иш-чаралар индустриясынын турукташкан өсүшүнө шарт түзүп, анын өнүгүшүн уюштуруучулардан баштап көрүүчүлөргө чейин бардык катышуучулар үчүн туруктуураак кылат».
Freedom Pay компаниясынын башкы директору Атай Соронкулов компаниянын технологиялык өнүгүү багыты тууралуу буларды айтты:
«Биз төлөм инструменттерибизди мындан ары да өркүндөтүп, аларды андан да ылдамыраак, коопсуз жана ыңгайлуу кыла беребиз. Биздин продуктылар аркылуу кардарлар операцияларды оптималдаштыруу, натыйжалуулукка жетишүү жана бизнесин өнүктүрүү үчүн жаңы мүмкүнчүлүктөргө ээ болушат. Бул жылы бизге көрсөткөн ишеним жана кызматташуу үчүн кардарларыбызга жана өнөктөштөрүбүзгө чын жүрөктөн ыраазычылык билдиребиз. Ошондой эле 2026-жылдагы жаңы жетишкендиктерге чыдамсыздык менен күтөбүз», — деди Атай Соронкулов.
Компаниялар тууралуу
Freedom Broker — эл аралык каржы рынокторуна жана ички баалуу кагаздар рынокторуна жол ачкан инвестициялык компания. Анын кызматтарынын катарына инвестициялык инструменттер, инвестиция тартуу, аналитикалык колдоо, жеке жана корпоративдик кардарларга багытталган технологиялык чечимдер кирет.
Freedom Pay — бизнес үчүн төлөм жана финтех чечимдеринде лидер болуп эсептелет. Ал төлөмдөрдү кабыл алуу, тобокелдиктерди башкаруу жана аналитика үчүн интеграцияланган продукты жана сервистерди сунуштайт.
Freedom Ticketon — маданий, спорттук жана көңүл ачуучу иш-чараларга билет сатуу жана башкаруу үчүн санариптик платформа. Бул сервис уюштуруучулар менен аудиторияны бириктирип, ыңгайлуу жана заманбап кызматташуу форматтарын камсыз кылат.
