MBANK Global CIO IT-коомчулугу тарабынан уюштурулган Project of the Year эл аралык конкурсуна катышып, жеңишке жетти. Data-Driven Banking: Unleash the Power of DWH долбоору “маалыматтарды сактоо жана башкаруу боюнча мыкты” деп табылып, банкты санариптик трансформациядагы лидер катары таанытты.
Маалыматтар банк секторун кантип өзгөрттү? Санариптешүү доорунда банктар жөн гана каржы уюмдары эмес, чоң көлөмдөгү маалыматтар менен иштөөчү технологиялык компанияларга айланууда. Маалыматтарды башкаруу банк ишинин ылдамдыгын, тактыгын жана коопсуздугун аныктайт. MBANKтан Data-Driven Banking долбоору – келечекке жасалган кадам, бул жерде негизги чечимдер интуицияга эмес, так маалыматтарга таянып кабыл алынат.
Data-Driven Banking долбоорунун ишке киргизилиши менен эмне өзгөрдү?
🔹 Отчеттуулукту автоматташтыруу
Эми бардык негизги каржылык көрсөткүчтөр дароо эсептелет, каталар жана кечигүүлөр болбойт. МСФО 9 боюнча эсептөөлөрдү камтыган автоматтык отчеттуулук системасы киргизилди. Бул кызматкерлердин жүгүн жеңилдетип, башкаруунун ачыктыгын жогорулатат.
🔹 Кардарларга санариптик кызмат көрсөтүү
Кызмат көрсөтүү жаңы деңгээлге көтөрүлдү: банк кардардын талаптарын анализдеп, персоналдаштырылган кызматтарды сунуштайт. Жаңы санариптик байланыш каналдары киргизилип, кардарлар өз каржы маселелерин тез арада чечүү мүмкүнчүлүгүнө ээ болду.
🔹 Коопсуздук
Кардарлардын маалыматы ишенимдүү корголгон. Жаңы антифрод системалары киргизилип, ал шылуундардын ишмердигин алдын алат жана каржылык операцияларды коргойт.
Бул эмне үчүн бүтүндөй рынок үчүн маанилүү?
Каржы тармагы тез өнүгүп жатат жана Big Data‘ны колдонуу атаандаштыкка жөндөмдүүлүктүн негизги факторуна айланууда. McKinsey’дин маалыматы боюнча, маалыматтарды талдоону активдүү колдонгон банктар так болжоолор жана автоматташтыруу аркылуу өз натыйжалуулугун 20% га чейин жогорулата алышат.
Project of the Year конкурсу боюнча жеңиш MBANK’ты Кыргызстандагы технологиялык лидер катары, өлкөнүн каржы тармагынын келечегин түзүп жаткан инновациялык банк катары таанытты.
MBANK – Биринчи санарип!
КРУБ №014 Лицензиясы
