2026-жылдын 15-январында Rox Group компаниялар тобу Бишкек шаарынын так борборунда, Чүй проспектисинде жайгашкан Rox Center имаратынын расмий ачылышын өткөрдү.
Салтанаттуу иш-чаранын ардактуу коногу Кыргыз Республикасынын Премьер-министри Адылбек Касымалиев болду.
Иш сапарынын жүрүшүндө премьер-министр «Ай-Пери» имаратынын тарыхы жана аны жаңылоонун этаптары менен таанышты. Ал девелопер тарабынан жүргүзүлгөн калыбына келтирүү жана трансформациялоо жолдору тууралуу презентацияга күбө болду.
Ошол эле учурда RCA Living инвестору Кыргызстандa Rox Group тарабынан жетишкен негизги ийгиликтерди тааныштырды. Анын ичинде RCA Living, Rox Energy жана Rox Living Global сыяктуу бренддерди өнүктүрүү боюнча долбоорлор да камтылды.
«Мурасты кайра жандандыруу» философиясын карманып, Rox Center тарыхый «Ай-Пери» имаратына жаңы дем берип, аны заманбап, динамикалуу архитектура менен кылдат сакталган тарыхый баалуулуктар айкалышкан өзгөчө архитектуралык объектке айлантты.
Бишкек шаарынын маанилүү кесилиштеринин биринде жайгашкан тарыхый имаратта орун алган Rox Center шаардык маданий мурасты сактоо менен аны заманбап шаардык өнүгүү контекстине ийкемдүү интеграциялоонун айкын үлгүсү болуп калды.
Кылдаттык менен сакталган классикалык архитектуралык элементтер заманбап чечимдер менен айкалышып, имараттын салтанаттуу, көркөм жана таасирдүү көрүнүшүн жаратты. Терең изилдөөлөрдүн жана ар бир майда-баратына чейин жасалган тынымсыз эмгектин жыйынтыгында Rox Center RCA Living, ROX Energy жана ROX Living Global компаниялары үчүн заманбап, креативдүү жана кесипкөй иш мейкиндигине айландырылды.
Rox Center’де архитектурага гана эмес, жашоо тажрыйбасынын мейкиндигин түзүүгө да өзгөчө көңүл бурулган — бул жерде алдыңкы технологиялар көркөм инсталляциялар менен айкалышат. «Ыңгайлуулукту жаратабыз» деген ураандын алдында конокторго Royal Central Park аттуу all-in-one мегадолбоорунун концепциясы долбоордун макети, үлгү батирлер жана заманбап технологиялык чечимдер аркылуу тааныштырылды. Бул чечимдер долбоордун масштабы, инфраструктурасы жана заманбап, ыңгайлуу, гармониялуу жашоо философиясын даана сезүүгө мүмкүндүк берди.
Иш сапарынын соңунда Адылбек Касымалиев вьетнамдык Rox Group компаниясы ишке ашырып жаткан ири инвестициялык «Royal Central Park» долбоорунун курулуш аянтына барды.
Компаниянын өкүлү курулуш иштеринин жүрүшү тууралуу маалымат берип, «Royal Central Park» долбоору турак жай жана коомдук мейкиндиктерди бириктирген заманбап, көп функциялуу комплекс катары пландалганын белгиледи.
Министрлер кабинетинин төрагасы ири масштабтагы курулуш иштерин жүргүзүүдө сапат стандарттарын жана экологиялык нормаларды так сактоонун маанилүүлүгүн, ошондой эле мындай инвестициялык долбоорлор борбор шаардын архитектуралык келбетин жана инфраструктурасын жаңылоодогу ролун белгиледи. Ал ошондой эле мамлекеттин бизнести колдоо саясатына өзгөчө көңүл бурду.
«Министрлер кабинети инвесторлор үчүн мүмкүн болушунча ыңгайлуу шарттарды түзүү үчүн бардык аракеттерди көрүп жатат. Өкмөттүн эшиктери сиздер үчүн күнү-түнү, жети күн бою ачык», — деп билдирди ал.
Иш сапарынын жыйынтыгында Адылбек Касымалиев Бишкек шаарынын инфраструктурасын мындан ары өнүктүрүү жана маанилүү инвестициялык демилгелерди ыкчам коштоп жүрүү боюнча тиешелүү шаардык кызматтарга жана мамлекеттик органдарга бир катар тапшырмаларды берди.
Rox Group келечекке болгон өзүнүн көз карашын ырааттуу калыптандырып, ошол эле учурда Бишкекти заманбап, туруктуу жана жашоонун сапатына багытталган шаар катары өнүктүрүүгө салым кошуп келет.
Борбор Азиядагы өнүгүү жолу — бул узак мөөнөттүү жана системалуу стратегия. Кийинки этапта Rox Group Бишкек шаары менен тарыхый мурастарды сактоо, маданий баалуулуктарды илгерилетүү жана инвестициялык, девелопердик жана башкаруу ишмердүүлүгүндө алдыңкы эл аралык тажрыйбаларды киргизүү багытындагы кызматташууга берилгендигин мындан ары да тастыктайт.
