Режиссёр Дастан Жапар Рыскелдинин «Качкын» тасмасы Везулада (Франция) өткөн эл аралык Азия кино фестивалында үч сыйлыкка ээ болду. Бул тууралуу kyrgyzcinema.com сайтында маалымдалат.
Ал эл аралык калыстар тобунун сыйлыгы, ошондой эле Марк Хааз жана Гиме музейинин сыйлыктары менен сыйланган. «Качкын» чет өлкөдө жашоосун жакшыртууну көздөгөн мигранттар туш болгон кыйынчылыктар жана сыноолор жөнүндө айтып, мыйзамсыз миграциянын кесепеттерине токтолгон.
Тасма негизинен Нарын, Балыкчы жана Токтогул шаарларында тартылган.
