#SEREPTV_ Podcast’та Кыргыз Республикасынын эмгек сиңирген артисти Кайрат Примбердиев. Ал казак басылмасына берген маеги, анын алкагындагы талкуу жана ага байланыштуу пикирин айтты. Ошондой эле “жубайым менен эки ажырым жолго түшүп, анын баркын билдим» дейт ырчы.
«Кудайга шүгүр, 11 жыл ичинде сонун күндөрдү өткөрдүк. Аял-күйөө катары бири-бирибизге колдоо көрсөтө алдык. Кудай сонун уулдарды белек кылды. Пендечиликке салып эле бир-бирибизге «травма» кыла бериптирбиз. Ошол кайнап туруп бир чекитке жетти окшойт. Кийимдеримди алдым да, чыгып кеттим. «Бала үчүн жашаш керек» деген туурабы же туура эмеспи деп да ойлондум. Башында бул убактылуу нерсе деп ойлодум. Бир аз алыста болуп турсак, сагынышып баштайт го, азыр алыста туруп, жубайымдын кадырын, баркын билдим. Мага кылган жакшылыгын, сүйүүсүн түшүндүм. Чогуу жашабай элебиз, бирок 11 жылдагыны «компенсация» кылып, чын жүрөктөн чыккан жакшы сөздөрдү айтам. Азыр мамилебиз ошондой», — деди ал.
