Республикалык иммунопрофилактика борбору блогерлердин кызматын сатып алууга тендер жарыялады. Тендер тууралуу маалымат кечээ, 20-сентябрда мамлекеттик сатып алуулар сайтында пайда болгон. Ал эми арыз берүүнүн акыркы мөөнөтү эртең, 22-сентябрда аяктайт.
Борбор тендер социалдык тармактар жана борбордун сайты аркылуу полиомиелитке каршы вакцинаны илгерилетүү үчүн вакцинация жана иммундаштыруу боюнча Глобалдык Альянс долбоорунун алкагында жарыяланганын билдирди. Бул эмдөөнүн маанилүүлүгү тууралуу калктын маалымдуулугун жогорулатат деп күтүлүүдө.
Маалыматка караганда, келишим узак убакытка түзүлөт. Блогер профессионалдуу сүрөт, видео менен камсыздашы керек. Мындан тышкары, узак мөөнөткө — 1 жылга пландалган түз эфирлер, жарнактар бар.
Белгиленгендей, катталуучуларынын саны 100 миңден кем болбошу керек, ал эми камтуу (охват) 2 миңден кем болбошу керек.
