26-28-июль аралыгында мээ кайнаткан ысык аба сактала бермекчи. Бул тууралуу Кыргызгидромет билдирет.
Чүй өрөөнүндө аба температурасы +36 +…+41,
Талас облусунда +34…+39,
Ысык-Көл өрөөнүндө +29…+34
Нарынской облусунда +31…+36.
Ош, Жалал-Абад, Баткен облустарында +37…+42 градуска чейин ысык болору күтүлүүдө.
Саламаттыкты сактоо министринин милдетин аткаруучу Жаркынбек Касымбеков учурдагы мээ кайнаткан ысык аба ырайына байланыштуу жумуш токтотулуусу керектигин айтты. «Эмгек кодексине ылайык, аба температурасы +40 градустан көтөрүлсө, ачык жайда иштегендер жумушун токтотуусу керек. Жабык имараттын ичинде иштеген кызматкерлерге иштөөгө уруксат, бирок алардын жумуш күнү 1 саат, 1,5 саатка чейин кыскартылышы керек»,- деди Касымбеков.
