1-июнь Балдарды коргоонун эл аралык күнүнө карата абактагы аялдар балдары менен жолугушту. Бул тууралуу ЖАКтан билдиришти.
Жазаларды аткаруу кызматынын түзөтүү мекемелеринде ар кандай кылмыштуулук менен соттолгон 6 миңден ашуун адам жаза өтөп жатат. «Соттолгондордун үчтөн бир бөлүгүнүн көбүнүн жашы жете элек балдары бар. Атасынын же энесинин мээриминен ажырап, кусалыгын көз жашына каткан баёо жүрөк балдарга аз да болсо кубаныч тартуулоо жана келечек муунду гумандуулукка, айкөлдүккө тарбиялоо, абак артында ар кыл психикалык абалда отурган аялдардын абалын жакшы жакка өзгөртүү, кылмыштуулуктан арылып жаркын коомдун мүчөсү болушуна дем берүү максатында 30-майда Жаза аткаруу кызматынын ардагерлер кеңешинин демилгеси менен алгачкы жолу «Эне-бала» аталышындагы темир тор артындагы аялдарды жашы жете элек балдары менен жолуктуруу иш чарасын уюштурду.
ЖАКнын жетекчилиги, тарбиялык жана социалдык иштер башкармалыгы жана жарандык коомдун колдоосу менен ишке ашып жаткан иш-чара Степное айылындагы №2 аялдар абагында болуп өттү. Иш-чарага бир катар эстрада ырчылары, цирк өнорпоздору катышып, ардагерлер тарабынан балдарга белектер берилди», — дешти.
