БатМУнун ректору Айдарбек Гыязовдун колдоосу жана БатМУнун каржылоосу менен Баткен аймагында археологиялык казуу иштери башталды. Бул тууралуу аталган университеттен маалымдашты.
БатМУ тарабынан жүргүзүлө турган казуу иштери Тарых, археология жана этнология институтунун археология бөлүмүнүн башчысы, профессор археолог Кадича Ташбаеванын жетекчилиги астында Батыш Чехия университети менен биргеликте жаңыдан археологиялык изилдөөлөр жүргүзүлдү. Археологиялык илимий изилдөө Баткен районунун Ак-Татыр айыл өкмөтүнүн, Кызыл-Кошуун өрөөнүндө казуу иштери орун алды. Ал аймакта көрүстөндөр, жеке мүрзөлөр, архитектура, турак-жай, архитектура, петроглифтер бар. Буга чейин Баткен, Лейлек райондорундагы алгачкы археологиялык изилдөөлөр өткөн кылымдын 1954-1960-жылдары жүргүзүлгөн.
Изилдөө иштеринде БатМУ тараптан жетекчилик кылган, тарых илимдеринин кандидаты Абдинаби Кадыров: “Изилдөө учурунда табылган эстеликтер алдын ала болжолдоолор боюнча Кара-Булак көрүстөнүнө тектеш экендигине күбө болдук. Бул аймактан 150-200гө чейинки эстеликтер эсепке алынды. Археологиялык изилдөө учурунда 1-4-кылымдарда жашаган адамдардын жашоо тиричилигине таандык жеке буюмдары табылды. Тактап айтканда, 1 кумура, 3 темир бычак, 1 канжар, 1 жаанын учу, 1 курдун тогосу адам сөөгү менен кошо көмүлгөнүнө күбө болдук. Кара-Булактагы эстеликтер биздин замандын 1-4-кылымдарына таандык. Ал мезгилде сөөк коюу салтында маркумдун буюм тайымдарын, аял кишилердин жасалгаларын, сөөк менен кошо көмүшкөн жана сөөктүн баш жагына кумураларга тамак-ашын коюшкан. Бул археологиялык табылгалар Европага лабораториялык изилдөөгө жиберилет. Өзгөчөлүгү Европада радиоуглероддук лабораториялар ишке кирген. Ал жерде антропология, геология, биология, генетика боюнча анализдер жана изилдөөлөр так чыгарылат. Табылгалардын датасын аныктоодо +10 же -10 жылга айырма болот. Бул лабораториялык изилдөөлөрдөн кийин көрүстөндөрдүн сыры илимий жактан так аныкталышы мүмкүн».
Кечээ, 31-августта "Ала-Тоо" аянтында Кыргыз Республикасынын Эгемендүүлүгүнүн 33 жылдыгына жана Кара-Кыргыз автономдуу облусунун түзүлгөндүгүнүн 100 жылдыгына арналган гала-концерт өттү. Бул...
Кечээ, 31-августта президент Садыр Жапаров Кыргыз Республикасынын Эгемендүүлүгүнүн 33 жылдыгына жана Кара-Кыргыз автономдуу облусунун түзүлгөндүгүнүн 100 жылдыгына арналган гала-концертке катышты....
Эгемендүүлүктүн 33 жылдыгына арналган майрамдык иш-чара борбордук аянттагы чоң программадагы гала-концерт менен жыйынтыкталды. Бул тууралуу Ош мэриясынан маалымдашты. Иш-чарага Ош...
Кыргызгидромет кызматынын билдирүүсүнө ылайык бүгүн, 1-сентябрда 1 саат аралыгында жана кечинде Бишкек шаарында жана Чүй өрөөнүндө күн күркүрөп, батыштан соккон...
Эгемендүүлүк күнүнө карата болгон майрамдык иш-чаралар аяктап, терс окуялар болгон жок. Бул тууралуу милициядан билдиришти. Бишкек шаарынын, Чүй, Ысык-Көл, Нарын...