Акыркы сутка ичинде коронавирус илдети 244 адамдан аныкталды. Бул тууралуу Республикалык штабдан билдиришти.
Аймактарга алып карасак, Бишкекте 158, Чүй облусунда 54, Ош шаарында 2, Ош облусунда 5, Таласта 5, Ысык-Көлдө 16, Жалал-Абадда 2, Баткенде 2 киши ооруну жуктуруп алганы аныкталды. Коронавирус катталгандан бери өлкөдөгү жалпы көрсөткүч 91 миң 883 адамга жетти.
Ал эми акыркы сутка ичинде 3 киши каза болду. Экөө Бишкекте, бирөө Ысык-Көлдө катталды. Ошентип оорудан жакшы боло албай көз жумгандардын жалпы саны 1 миң 549 кишиге жетти.
Акыркы сутка ичинде илдеттен айыккандардын саны 134 адамды түздү.
