Кечээ, 10-январда кечинде Казакстандан Кыргызстанга кайтарылган музыкант Викрам Рузахуновду жакындары жана достору үйүнөн тосуп алышты. Жогорку технологиялар паркынын негиздөөчүсү Азис Абакиров соцтармактагы баракчасына сүрөт жарыялап, музыканттын баарына ыраазычылыгын билдиргенин жазган. «Кыргыз жарандары, силер дүйнөдөгү эң мыкты жарансыңар» деген ал.
Кыргыз Респуликасынын Эмгек сиңирген артисти Юлия Руцкая да музыканттын кармалышына кайдыгер болбогон жарандардын баарына рахмат айтты.