Транспорт министрлиги Бишкек-Нарын-Торугарт унаа жолунун бир күн мурун сел каптаган бөлүгүндө унаалардын кыймылына уруксат берди. Бул тууралуу аталган министрликтен билдиришти.
Дорожный-Чолок-Боом жолунун 13-чакырымы (эски жол) эң көп бузулган. Бул тилке бир күн мурун унаа кыймылы үчүн жабылып, айдоочуларга айланма жол менен жүрүү сунушталган.
«Жергиликтүү тургундардын өтүнүчү жана ӨКМдин көзөмөлүнөн кийин ДЭП-32 жол кызматкерлери коопсуздук үчүн аталган тилкеге тиешелүү жол белгилерин жана бетон тосмолорду орнотуп, андан соң аталган тилкеге өтүүгө уруксат беришти», — деп айтылат маалыматта.
