Өзгөчө кырдаалдар министрлиги Бишкек-Ош унаа жолундагы кар көчкүлөрүн түшүрүү иш-чараларын жүргүзөт. Бул тууралуу ӨКМден билдиришти.
Аталган унаа жолдо жол кырсыктарынын алдын алуу, адам өлүмүнө жеткирбөө, материалдык чыгымдарды болтурбоо жана жол каттамын үзгүлтүккө учуратпоо зарылчылыгына байланыштуу 8-февралдан 12-февралга чейин кар көчкүлөр атайылап түшүрүлөт. Бишкек-Ош унаа жолунун 132-135 жана 198-255- чакырымындагы кар көчкү түшүү коркунучу бар аймактарда ӨКМге караштуу башкармалыктар, кызматтар иш-чараны Коргоо министрлиги менен биргеликте аткарышат.
