Шайлоочулар жергиликтүү кеңештерге добуш берүү боюнча баштапкы тизмеден өзүн катталган жери боюнча 27-мартка чейин тактай алат. Бул тууралуу Борбордук шайлоо комиссиясынан кабарлашты.
Мекеменин маалыматына караганда, ар бир шайлоочу өзүн тизмеден текшерип, эгер толуктап же өзгөртө турган болсо жергиликтүү шайлоо комиссиясына кайрылышы керек. 11-мартта контролдук, ал эми 1-апрелге чейин акыркы тизме түзүлөт.
11-апрелде 28 шаардык жана 420 айылдык кеңешке шайлоо болот. Шайлоочулардын жалпы саны 3 миллион 304 миң 485 адам, алардын 47,83 пайызы эркектер жана 52,17 пайызы аялдар.
