Соцтармактын колдонуучулары 29-июнда президент Садыр Жапаровдун Тажикстанга барып, Кыргызстандын атынан барган делегацияны Эмомали Рахмонго тааныштырып жатканда тартылган сүрөттөрдү талкуулашууда.
Президенттин сайтында жарыяланган бул эки сүрөткө социалдык тармактын колдонуучулары ар кандай билдирүүлөрдү калтырып жатышат. Алардын арасында «Эмне үчүн делегациянын башка мүчөлөрү колун жүрөккө койбосо деле, биздин Финансы министрибиз коюп алган? Эл аралык сапарларда минтип колуна жүрөгүнө алган көрүнүш деги жок болчу. Коркуп кеткен го…», «Коркконунан кантип жыгылбай турду экен», «Чын жүрөгүнөн жакшы көрөт» дегендери бар болсо, айрымдары Министрлер кабинетинин Баткен облусундагы өкүлү Абдикарим Алимбаевдин көз карашына маани беришүүдө. Колдонуучулардын арасында «Көз карашы көптү айтып турат», «Духу дух экен!», «Жапаровго окшоп жалтактабай, көзгө тике карайт экен» деп мактаганы да болууда.
Во время встречи глав Кыргызстана и Таджикистана президент Садыр Жапаров знакомил Эмомали Рахмона с участниками своей делегации. Все делегаты, приветствуя Рахмона, прикладывали руку к груди. Единственный, кто этого не сделал — глава Баткенской области Абдикарим Алимбаев. pic.twitter.com/BOSF10PY0z
— Kloop (@kloopnews) July 1, 2021
Абдикарим Алимбаев чек ара жаңжалынан кийин өкмөттүн Баткен облусундагы өкүлү болуп дайындалган. Ал бул кызматка келгенге чейин Чек ара кызматында, Башкы штабда эмгектенген.
