2017-жылдын 16-январында Дача-СУ айылына жакын жердеги «Манас» аэропортунда болгон Боинг-747 жүк ташуучу учагынын кырсыкка учурашынын себептерин жана шарттарын изилдөө боюнча коомдук комиссиянын жыйынында гуманитардык жардамдан түшкөн акча кайда жумшалганы белгилүү болду.

Коомдук комиссиянын төрагасынын орун басары Мавлян Аскарбеков билдиргендей, эл бул акчаны учак кырсыгынан жабыркагандарга жардам берүү үчүн чогулткан. Өзгөчө кырдаалдар министринин орун басары Урмамбет Шамыркановдун айтымында, ошол кездеги премьер-министрдин [Сооронбай Жээнбековдун] тапшырмасы жана өкмөттүк комиссиянын 2017-жылдын 19-январындагы №23-206 протоколдук буйругу менен атайын эсеп ачылып, 2018-жылдын 12-январында жабылган. Анын айтымында, бул убакыт аралыгында жалпысынан 151 миллион 431 миң 994 сом түшкөн.

Түшүндүрмө катка ылайык, бул сумма төмөнкүлөрдү камтыйт:

Жабыркагандарга — 94 миллион 530 миң сом;
Ново-Павловка айыл өкмөтүнө — 7 миллион 622 миң 680 миң.

Ошондой эле, президенттик аппараттын жетекчисинин биринчи орун басары менен болгон жолугушуунун протоколуна ылайык, 10 миллион 870 миң 655 сом бөлүнгөн, анын ичинен:

«Үч периште» фондуна — 6 миллион сом;
«Манас» эл аралык аэропортуна — 4 миллион 56 миң 334 сом;
«Кыргыз аэро навигация» ишканасына — 590 миң 100 сом;
«Семетей» мейманканасына — 224 миң 221 сом.

Мындан тышкары, бөлүнгөн:

Авиакырсыктын кесепетинен жабыркаган эмес, бирок алардын жер тилкелери “кызыл сызыктын” бошотулган 23 жер тилкесинин ээсине — 7 миллион 247 миң 533 сом;
«Үч периште» фондуна — 479 миң 550 сом;
Казынага — 30 миллион 283 миң 620 сом;
Социалдык фондго — 390 миң 455 сом.