Кечээ, 16-июнда Жогорку Кеңештин Эл аралык иштер, коргоо, коопсуздук жана миграция боюнча комитетинин жыйынында «Иш менен камсыз кылуу боюнча жеке агенттиктер» жөнүндө конвенциясын ратификациялоо каралды.
Эмгек министринин биринчи орун басары Ализа Солтонбекованын айтымында, бул конвенция биринчи, иш менен камсыз кылуу боюнча жеке агенттиктерге иш алып баруу мүмкүнчүлүгүн берүү жана алардын иш-аракеттеринин ак ниетсиз операторлордон коргоо, экинчиси жеке агенттиктердин кызматынан колдонгон жумушчуларды кыянаттык менен пайдалануудан коргойт.
Жеке агенттиктер союзунун төрайымы Жанат Назаралиева «Бизге кирген агенттиктердин атынан каршылыгыбызды билдиребиз. Себеби, азыр бул кадамга даяр эмеспиз. Бул конвенцияга дүйнөдөгү 195 мамлекеттин 38и кирген. Анын ичинде Орусия, Казакстан, Өзбекстан кирген эмес. Эмнеге биз шашып жатабыз? Ошончо кайрылган адамдын агымына биз үлгүрбөйбүз. Агым аябай көп. Жылына 17 минден 30 миңге чейин Кыргызстандын жарандарын мыйзамдуу түрдө жумушка орноштурабыз», — деди.
Депутат Эльдар Сулайманов «38 мамлекет деп айтып кеттиңиз. Африка өлкөлөрү болсо бир жөн. Тизменин башында Финляндия Франция, Швецария, Испания деген мамлекеттер болуп жатпайбы. Жогорку Кеңешке бир жылдан бери эл келип жүрөт. «Бул компания бизди сыздатты, ал компания бизди сыздатты» деп. Болгону 100 квота алып, 4-5 миң кишинин акчасын алып коюп жатат. Бул конвенцияны ратификация кылсак шылуундардан арылат элек. Бул мыйзамды карасак, кичине эски болуп калыптыр. Биз жаңы мыйзам иштеп чыктык. Жакында сайтка чыгарабыз. Мисалы, 100 квота болсо, 100 эле адамдан алат акчаны. Кайтарылышы боюнча чогултуу 150 евро экен, бул жерде 25 миңден алып жатпайбы. Анан «отказ» деп келди деп кайтарбай жатат»,- деди депутат.
