Экономика жана коммерция министри Бакыт Сыдыков маалымат берип, айыл аймактарын ирилештирүү жана шаарлардын аймагын кеңейтүү боюнча жүргүзүлгөн иштерге кеңири токтолду. Административдик-аймактык реформа (ААР) алардын социалдык-экономикалык жактан өнүгүүсүнө өбөлгө түзөрүн белгиледи.
Эльдар Сулайманов ААРнын алкагында Бишкек шаарынын аймагы кеңейгенин эске салып, Мамлекеттик каттоо кызматынын Бишкек филиалынын жана нотариустардын иши тууралуу маселеге кызыкты. Депутат Мамкаттоодо күн сайын узун кезек пайда болуп, эл көп болуп, күн сайын чатак чыгып жатканын билдирди. Ал жарандарга сапаттуу кызмат көрсөтүү үчүн ар бир райондо Мамлекеттик каттоо бөлүмдөрүн ачуу керек деп эсептейт.
«Жарандар эмнеге ал жакка барарын билесиңерби? Жеке нотариустар 30 миң сом алса, мамлекеттик нотариустар 13 миң сомдон алышат. Же бул кезекти жоюу үчүн жеке жана мамлекеттик бааны теңдештирүү мүмкүнчүлүгүн караштырышыбыз керек. Нотариалдык системада да көйгөй бар. Бул маселени чечүүгө Санариптик өнүктүрүү министрлиги жардам бериши керек», — деди.
Посмотреть эту публикацию в Instagram
